Bílastæði fyrir konur
Í Þýskalandi finnast bílastæði sem eru eingöngu ætluð konum, Frauenparkplatz, og eru þau merkt með tilheyrandi skilti. Búðu til þitt eigið umferðarskilti.
Graff
Ímyndaðu þér að þú sért á salerninu í
- Hallgrímskirkju
- Kringlunni
- Laugardalslaug
- Þjóðarbókhlöðunni
Hvaða veggjakrot blasir við þér?
Skapandi eyðufylling
Fylltu í eyðurnar og bættu svo við:
Ég gekk niður að tjörn með félaga mínum og sá ____________ og __________________ en það var nú ekkert! Við heyrðum __________________ og tókum eftir _________________ og þá földum við okkur ________________ í skyndi.
Það sem enginn veit
Finndu ljósmynd, annaðhvort í símanum þínum eða á netinu. Skrifaðu um það sem ekki sést á myndinni.
Hendur
Hér flytur Sarah Kay ljóð sitt Hands á afar eftirminnilegan hátt. Veldu eina línu úr ljóðinu. Gerðu tilraun til að þýða hana. Stilltu skeiðklukku á þrjár mínútur og skrifaðu allt sem kemur upp í hugann í tengslum við þessa ljóðlínu.