Rifrildi

Samtöl | 0 comments

Hér eru nokkrar hugmyndir. Veldu eina og skrifaðu samtal. Stuttar málsgreinar eiga oft betur við í samtölum og það getur farið vel á að brjóta samtalið upp með athugasemdum, t.d. um svipbrigði eða hugleiðingar persóna. Vandaðu frágang. Mundu að hafa greinaskil svo lesandanum sé alltaf ljóst hver hefur orðið. Gættu þess einnig að öll greinamerki séu á sínum stað.

• Helgi ásakar Jón um að hafa svindlað í spili.
• Óánægður gestur kvartar undan matnum í samtali við þjón.
• Sigríður treystir Þóru fyrir leyndarmáli en hún trúir ekki Sigríði.
• Systkini takast á um hvort eigi að viðra hundinn á heimilinu í þetta skiptið.
• Tveir menn lenda í árekstri. Þeir voru báðir að bakka út úr bílastæði og kenna hvor öðrum um.
• Nemandi tekst á við kennarann sinn. Honum finnst hann hafa gert upp á milli nemenda við einkunnagjöf.

Áttavillt

Samtöl | 0 comments

Skrifaðu samtal milli systkina sem voru skilin eftir á götuhorni í ókunnri borg. Þau ræða um hvað skuli til bragðs taka.

Anekdóta – samtal

Samtöl | 0 comments

1. Skrifaðu anekdótu sem einhver sagði þér eða sem þú varðst vitni að. Skrifaðu sögu sem þú hefur heyrt áður eða sem þú þekkir vel.
2. Breyttu frásögninni í samtal. Skapaðu persónu sem segir annarri persónu anekdótuna. Lýstu umhverfi og aðstæðum. Hvernig bregst persónan við frásögninni? Hvernig varpar anekdótan ljósi á persónuna sem segir frá?